Caso di Emsley Tromp den corte lo continua (SAFFIR CASE)

Caso di Emsley Tromp den corte lo continua

0
Hues den corte di husticia na Corsou a rechasa tur e 12 puntonan di obhecion di defensa di sr. Emsley Tromp, kende tabata director di Banco Central di Corsou y St. Maarten y di e manera aki a anuncia cu e caso yama “Saffier” contra Tromp, ta continua.
Di un otro banda, abogado di Tromp, Neils van der Laan a declara cu Hulanda un biaha mas ta conduciendo un “proceso politico” na Corsou riba diamars, segun e website di noticia Curacao Chronicle.
Di acuerdo cu Ministerio Publico, Tromp a comete fraude di belasting y “pais Corsou” a wordo afecta pa casi 3 miyon di dollar.
E caso den corte di diamars tabata un asina yama pro forma. E tratamento substantivo di e cargo contra di Tromp (57), kende tabata na encargo di e Banco Central pa un kwart siglo, lo wordo discuti despues. Sinembargo, e abogado van der Laan a papia den su defensa preliminar di “gran interes” den e caso.
“Maneha pa podernan mas halto”
Tambe, di acuerdo cu Ministerio Publico, Tromp intencionalmente no a declara tur ingreso cu el a ricibi den su trabao pa e periodo di 2006 pa 2014 for di su pension pa belasting. Su defensa ta keda para ariba cu Tromp tin cu haci esaki despues di su retiro.
Pero bao di e desacuerdo substantivo aki, e ta un asunto mas profundo, cu tambe tin cu wordo discuti den e proceso contra di e ex prome minister di Corsou, Gerrit Schotte na fin di siman pasa. Di acuerdo cu e abogado di Tromp, tin un proceso plitico, “maneha pa podernan mas halto.”
Marioneta di Hulanda
E director di banco Tromp, tambe ta conoci como e “rey chikito di Corsou”. Esey ta enomber cu e Gobierno Hulandes a dun’e. Corsou ta un pais autonomo den reino desde 2010. Asuntonan exterior y defensa di Hulanda ta percura pa e pais. Pero hopi hende ta mira Ministerio Publico como un marionieta di Hulanda cu kier mantene su influencia pa loke ta regarda e administracion publico efectivo of inefectivo.
Esun cu no ta fit den e sistema Hulandes ta wordo ataca, Gerrit Schotte a keha diabierna ultimo riba su conviccion den e apelacion, pa motibo di corupcion oficial y labamento di placa. E defensa di e director di banco Central, Tromp, tambe conoci como e “rey chikito di Corsou”, a sigui e mesun ruta riba diamars.
“Inhusto, negligente y pura”
Loke ta straño ta, cu Schotte y Tromp ta rival.
Mas na principio, defensa a yama e huicio contra Tromp “inapropia, negligente y pura.” Ministerio Publico no a haci su trabao cu cuidao, segun abogado van der Laan a bisa diamars. Su palabranan a forma un echo di loke Geert-Jan Knoops, abogado di Gerrit Schotte, a sugeri anteriormente.
E ta remarcabel, sinembargo, cu Schotte y Tromp ta rival di otro na Corsou. Den e periodo di 2010-2012, ora cu Schotte tabata e prome minister di e isla autonomo, el a purba di reemplasa Tromp pa un persona liga politicamente. Pero hopi acusacion a wordo expresa contra di e poder y influencia di Tromp den e añanan reciente, pero esaki ta prome biaha cu el a wordo enhuicia.
El a yama Emsley Tromp “no un dictador”
E abogado defensor Van der Laan parce di ta conciente di e show riba diamars. El a yama Emsley Tromp “no un dictador”, pero un hende cu a haci 25 aña di un bon trabao.” Di acuerdo cu e abogado, e cuestion ta sea of no, e retencion fraudulento di e salario ta un asunto pa e pagado di belasting y no ta merece di ta un tratamento criminal en lo absoluto.
E defensa kier pa huis Van der Spoel declara e ponencia di Ministerio Publico no admisibel.
Fuente: www.curacaochronicle.com

Popular posts from this blog

When you won't let money to touch you and corrupted you. So whatever result we get from KMA,we must accept with open heart. This award purely based on experts and judges. If you @BTS_twt win,PUT THE TROPHY ON THE CENTRE OF THE SHELF.

LIST OF US BANKS GIVING OUT 800 GOLD BACKED ACCOUNTS.

Venezuela's deteriorating oil quality riles major refiners